သႂ်ႇၾွၼ်ႉယူႇၼီႇၶူတ်ႉတႆး ၸႂ်ႉၼႂ်း Samsung Galaxy Ace 3, Galaxy S4, Note 3 လႄႈၸိူဝ်းမိူၼ်ၵၼ်

တႃႇတေသႂ်ႇၸႂ်ႉၾွၼ်ႉယူႇၼီႇၶူတ်ႉတႆး ၼႂ်း Samsung Galaxy Ace 3, Galaxy S4, Note 3  လႄႈၸိူဝ်းမိူၼ်ၵၼ် တေလႆႈႁဵတ်းသၢင်ႈ

1. လူတ်ႇလူင်းၾွၼ်ႉ ပၢင်လူင်/ၶမ်းၸိင်ႈ .apk သေ install ဝႆႉ ယႃႇၽူမ်ႈလိူၵ်ႈၸႂ်ႉ (တီႈၼႆႈ ပေႃးၵႂႃႇလိူၵ်ႈၾွၼ်ႉ ယၢမ်းၼႆႉမၼ်းတေၸႂ်ႉထွၼ်ပႅတ်ႈ ယွၼ်ႉၼၼ် တေလူဝ်ႇၸႂ်ႉတူဝ်ၸွႆႈ iFont ဢၼ်ေတမွၵ်ႇလၢတ်ႈၼႄၽၢႆႇတႂ်ႈၼႆႉ)

2. လူတ်ႇလူင်းၶီးၿွတ်ႇ .apk ၶမ်းၸိင်ႇ/တႆးလူင်/ၸိုင်ႈၶူင်း/

ၼွင်ဝူဝ်းၶမ်းသေဢၼ်ဢၼ် install ဝႆႉ

3. ၵႂႃႇၶိတ်ႇလိူၵ်ႈဝႆႉ Unknown Sources ၼႆ တီႈၼႂ်း settings ၶွင်ၾူၼ်း

4. ၵမ်းၼႆႉ ၶဝ်ႈၼႂ်း playstore သေ ၶူၼ်ႉႁႃ iFont ၊ တီႈၼႆႈ လိူၵ်ႈဢဝ် iFont (Fonts for Android) သေ install

ပိုတ်ႇ iFont ယဝ်ႉ တဵၵ်းၵႂႃႇတီႈ Tab ထီႉသၢမ် ဢၼ်ဝႃႈ Install ၼႆၸိုင် တေလႆႈႁၼ်ၾွၼ်ႉဢၼ်ႁဝ်းသႂ်ႇဝႆႉၼၼ်ႉ မီးဝႆႉၸွမ်းၾွၼ်ႉတၢင်ႇဢၼ်၊

လိူၵ်ႈဢဝ်ၾွၼ်ႉယူႇၼီႇၶူတ်ႉတႆး ဢၼ်ႁဝ်းသႂ်ႇဝႆႉၼၼ်ႉသေ တဵၵ်း Set ၼႆ ဢၼ်ထီႉၼိုင်ႈဢၼ်မီးၽၢႆႇတႂ်ႈ၊ မၼ်းတေၸႂ်ႉတူၵ်းလူင်း လႄႈ install ၾွၼ်ႉဢၼ်ၼႆႉ

ပေႃးယဝ်ႉ မၼ်းတေဢွၼ်ၵႂႃႇတီႈ setting / display /

ဝၢႆးလင်လိူၵ်ႈဢဝ် font style ပေႃးႁၼ်ၾွၼ်ႉႁဝ်းသႂ်ႇဝႆႉၼၼ်ႉ လႆႈထုၵ်ႇလိူၵ်ႈဝႆႉသေ မီးၸိုဝ်ႈဝႃႈ Panglong(iFont) / Kamjing(iFont) ၼႆၸိုင် ဢဝ်ၸႂ်ႉလႆႈယဝ်ႉ၊ ၾွၼ်ႉယူႇၼီႇၶူတ်ႉတႆး ၸႂ်ႉလႆႈၼႂ်း Samsung Galaxy Ace 3, Galaxy S4 လႄႈၸိူဝ်းမိူၼ်ၵၼ်ၼၼ်ႉယဝ်ႉ!